खेतिपाती गर्न पुर्ख्यौली गाउँ रोल्पा पुगे पूर्वसभामुख महरा

जेठ ,२६ काठमाडौं ।

पूर्वसभामुख कृष्णबहादुर महरा पुर्ख्यौली गाउँ रोल्पा पुगेका छन् । आफ्नो पुर्ख्यौली गाउँ पुगेका महरा यतिबेला खेतिपातीमा व्यस्त छन् |
महराले बारी जोत्दै गरेको एउटा फोटो हालै सार्वजनिक भएको छ ।

उनी तीन दिन अगाडि रोल्पा पुगेका थिए । खेतिपातीको समय सुरु भएकाले उनले पुर्ख्यौली गाउँ आएको बताएका छन् ।

पारिवारिक सदस्यहरुका अनुसार महरा बिहान र साँझ खेतीपातीमा व्यस्त हुन्छन् । दिउँसो भेटघाट र छलफलमा बिताउँछन् ।

सभामुख पदमा रहेकै बेला एक कर्मचारीले यौन दुर्व्यवहारको आरोप लगाएपछि महरा गत असोज १९ गते पक्राउ परेका थिए । तर फागुन ५ गते अदालतबाट सफाई पाएपछि उनी रिहा भएका थिए । उनले आफू राष्ट्रियताको पक्षमा दृढतापूर्वक उभिएकाले फसाइएको बताउँदै आएका छन् ।

यो प्रकरणपछि महरा धेरैजसो समय आफू निर्वाचित भएको दाङ क्षेत्र नम्बर २ र आसपासका क्षेत्रमा कार्यकर्ता भेटघाटका लागि गइरहन्छन् । पछिल्लो पटक करिब एक साताअघि स्वास्थ्य सामग्रीहरु लिएर महरा दाङ गएका थिए । दाङबाट उनी तीन दिन अगाडि रोल्पा पुगेका हुन् ।